കോട്ടയം:തെരഞ്ഞെടുപ്പ് നടത്തിയിട്ടും ഓര്‍ഫനേജ്‌ കണ്‍ട്രോള്‍ ബോര്‍ഡ്‌ സമിതി രൂപീകരിക്കാത്തതിനാല്‍ സന്നദ്ധ സംഘടനകള്‍ നടത്തുന്ന സ്ഥാപനങ്ങള്‍ക്ക് രജിസട്രേഷന്‍ പുതുക്കാനോ എടുക്കാനോ കഴിയുന്നില്ലെന്ന് പി.സി ജോര്‍ജ്‌ എംഎല്‍എ. ഓര്‍ഫനേജ്‌ ആന്‍ഡ്‌ അദര്‍ ചാരിറ്റിബിള്‍ ഹോംസ്‌ ആക്ട് 1960 പ്രകാരം സാമൂഹിക നീതി വകുപ്പിന്‍റെ കീഴിലുള്ള ഓര്‍ഫനേജ്‌ കണ്‍ട്രോള്‍ ബോര്‍ഡിനാണ് കേരളത്തില്‍ സന്നദ്ധ പ്രവര്‍ത്തനങ്ങള്‍ക്ക് നേതൃത്വം നല്‍കുന്ന സന്നദ്ധ സംഘടനകള്‍ക്കും സ്ഥാപനങ്ങള്‍ക്കും അംഗീകാരം നല്‍കാന്‍ അധികാരം. 15 പേരടങ്ങുന്ന ബോര്‍ഡ്‌ അഞ്ച്‌ വര്‍ഷത്തേക്കാണ് രൂപീകരിക്കുന്നത്. എന്നാല്‍ 2019ല്‍ തെരഞ്ഞെടുപ്പ് നടന്നെങ്കിലും ഇതുവരെ സമിതി രൂപീകരിക്കാന്‍ സര്‍ക്കാരിനായിട്ടില്ലെന്ന് പി.സി ജോര്‍ജ്‌ ആരോപിച്ചു.
ഓര്‍ഫനേജ്‌ കണ്‍ട്രോള്‍ ബോര്‍ഡ്‌ സമിതി രൂപീകരിക്കല്‍ വൈകുന്നുവെന്ന് ആരോപണം