കോട്ടയം: ഈരാറ്റുപേട്ട പൊലീസ് സ്റ്റേഷനിലെ സിവില്‍ പൊലീസ് ഉദ്യോഗസ്ഥനെ തൂങ്ങി മരിച്ച നിലയില്‍ കണ്ടെത്തി. വൈക്കം കുടവെച്ചൂര്‍ അയ്യനാട്ടു കോളനിയില്‍ താമസക്കാരനായ ബിനിലിനെയാണ് കോട്ടയം കലക്ട്രേറ്റിന് സമീപമുള്ള ലോഡ്ജ് മുറിയില്‍ മരിച്ച നിലയില്‍ കണ്ടെത്തിയത്. ഇക്കഴിഞ്ഞ ആറാം തിയതി ജോലിക്കാണെന്നു പറഞ്ഞ് വീട്ടില്‍ നിന്നും ഇറങ്ങിയ ബിനിലിനെ പിന്നീട് കാണാതാകുകയായിരുന്നു. സ്റ്റേഷനില്‍ ഡ്യൂട്ടിക്കെത്തിയിട്ടില്ലെന്ന വിവരം ലഭിച്ചതോടെ ബന്ധുക്കള്‍ വൈക്കം പൊലീസ് സ്റ്റേഷനില്‍ പരാതിപ്പെട്ടു.പൊലീസ് അന്വേഷണം നടക്കുന്നതിനിടെയാണ് ഇന്നു പുലര്‍ച്ചെ ലോഡ്ജ് മുറിയിലെ ഫാനില്‍ തൂങ്ങി മരിച്ച നിലയില്‍ ഇയാളെ കണ്ടെത്തുന്നത്.
കോട്ടയത്ത് ലോഡ്ജ് മുറില്‍ പൊലീസ് ഉദ്യോഗസ്ഥന്‍ മരിച്ച നിലയില്‍