കോട്ടയം : സ്വര്‍ണക്കടത്ത് കേസില്‍ സ്വപ്‌ന സുരേഷിന്‍റെ വെളിപ്പെടുത്തലില്‍ ഹൈക്കോടതി ഇടപെട്ട് അന്വേഷണം നടത്തണമെന്ന് കേരള കോൺഗ്രസ് പാർട്ടി ചെയർമാൻ പി.ജെ ജോസഫ്. സ്വര്‍ണക്കടത്ത് കേസില്‍ പ്രതിഷേധിച്ച് പാര്‍ട്ടി കോട്ടയത്ത് സംഘടിപ്പിച്ച ഏകദിന ഉപവാസത്തിന്‍റെ സമാപന സമ്മേളനത്തില്‍ സംസാരിക്കുകയായിരുന്നു അദ്ദേഹം. സ്വര്‍ണക്കടത്ത് കേസില്‍ മുഖ്യമന്ത്രിയും കുടുംബാംഗങ്ങളും കുറ്റാരോപിതരായി നില്‍ക്കുമ്പോള്‍ സത്യം തിരിച്ചറിയാന്‍ ജനങ്ങള്‍ക്ക് അവകാശമുണ്ടെന്നും മുഖ്യമന്ത്രി രാജിവച്ച് അന്വേഷണം നേരിടണമെന്നും പി.ജെ ജോസഫ് പറഞ്ഞു.
മുഖ്യമന്ത്രിയെ വിമര്‍ശിച്ച് പി.ജെ ജോസഫ്