കോട്ടയം: മഹാത്മാഗാന്ധി സർവകലാശാലയിലെ ജീവനക്കാരുടെ കലാസാംസ്‌കാരിക സംഘടനയായ സംസ്‌കാരയുടെ നേതൃത്വത്തിൽ ചിത്ര പ്രദർശനം സംഘടിപ്പിച്ചു. സർവകലാശാലയിലെ ജീവനക്കാരുടെ രചനകൾ കോർത്തിണക്കിയാണ് ചിത്ര പ്രദർശനം സംഘടിപ്പിച്ചത്. 'വരയുടെ വർണരാജികൾ' എന്ന പേരിൽ സർവകലാശാല ആസ്ഥാനത്തെ അസംബ്ലി ഹാളിൽ രണ്ട് ദിവസം നീണ്ട ചിത്ര പ്രദർശനമാണ് നടന്നത്. ഏഴോളം കലാകാരൻമാരുടെ 120ൽ പരം സൃഷ്‌ടികളാണ് പ്രദർശനത്തിൽ ഉണ്ടായിരുന്നത്. ഓയിൽ പെയിന്‍റ്, അക്രിലിക്, വാട്ടർ കളർ തുടങ്ങി വ്യത്യസ്‌ത മാധ്യമങ്ങളിലും പ്രതലങ്ങളിലും ഒരുക്കിയ ചിത്രങ്ങളാണ് പ്രദർശിപ്പിച്ചത്.
മഹാത്മാഗാന്ധി സർവകലാശാലാ ജീവനക്കാരുടെ ചിത്രപ്രദര്‍ശനം