ഒളിച്ചോടുന്ന ആളല്ല പിസി; ഇത് സര്‍ക്കാരിന്‍റെ നിര്‍ബന്ധ ബുദ്ധി: ഷോൺ ജോര്‍ജ്

ഒളിച്ചോടുന്ന ആളല്ല പി സി ജോർജ് എന്നും, നടപടിയെ നിയമപരമായി നേരിടുമെന്ന് ഷോൺ

കോട്ടയം: മതവിദ്വേഷ പ്രസംഗം ആരോപിച്ച് പി.സി ജോര്‍ജിനെ കസ്റ്റഡിയിലെടുത്ത സംഭവത്തില്‍ പ്രതികരിച്ച് മകൻ അഡ്വ. ഷോൺ ജോർജ്. ഒളിച്ചോടുന്ന ആളല്ല പി സി ജോർജ് എന്നും, നടപടിയെ നിയമപരമായി നേരിടുമെന്നും ഷോൺ. സര്‍ക്കാരിന്റെ നിര്‍ബന്ധ ബുദ്ധിയാണ് നടപടിക്ക് പിന്നിൽ.

ആവശ്യപ്പെട്ടാൽ ഹാജരാകുമെന്നിരിക്കെ വീട്ടിലെത്തി കസ്റ്റഡിയിലെടുക്കുന്നത് ഇക്കാരണത്താലാണെന്നും ഷോൺ പ്രതികരിച്ചു. പി.സി ജോർജിന്‍റെ സ്വന്തം വാഹനത്തിലാണ് തിരുവനന്തപുരത്തേക്ക് കൊണ്ടുപോകുന്നത്. 153 (A) വകുപ്പാണ് പി.സി ജോർജിനെതിരെ ചുമത്തുക.