എ.കെ. ശശീന്ദ്രൻ തെറ്റ് ചെയ്‌തിട്ടില്ലെന്നാണ് പാർട്ടിയുടെ വിശ്വാസമെന്ന് പി.സി. ചാക്കോ

കേസിൽ നടത്തിയ അന്വേഷണ റിപ്പോര്‍ട്ടിന്‍റെ അടിസ്ഥാനത്തില്‍ രണ്ട് പേര്‍ക്കെതിരെ നടപടിയെടുത്തിട്ടുണ്ടെന്നും പി.സി. ചാക്കോ പറഞ്ഞു.

കോട്ടയം:മന്ത്രി എ.കെ. ശശീന്ദ്രന്‍ തെറ്റ് ചെയ്‌തിട്ടില്ലെന്നാണ് പാര്‍ട്ടിയുടെ അഭിപ്രായമെന്ന് എന്‍സിപി സംസ്ഥാന അധ്യക്ഷന്‍ പി.സി. ചാക്കോ. മന്ത്രിക്കെതിരെയുളള ആരോപണങ്ങള്‍ നിയമസഭയില്‍ ചര്‍ച്ച ചെയ്‌തതായും വോട്ടിനിട്ട് തള്ളിയതായും അദ്ദേഹം പറഞ്ഞു.

സംഭവത്തിൽ മന്ത്രി മുഖ്യപ്രതിയല്ലെന്നും എൻസിപിയുടെ കൊല്ലത്തെ പാർട്ടി ഘടകത്തിലുണ്ടായ പ്രശ്‌നം പരിഹരിക്കണമെന്നാണ് മന്ത്രി ഫോണിലൂടെ പറഞ്ഞതെന്നും അദ്ദേഹം പറഞ്ഞു. ശശീന്ദ്രൻ തെറ്റുകാരനാണെന്ന് പാർട്ടി കരുതുന്നില്ലെന്നും പി.സി. ചാക്കോ വ്യക്തമാക്കി.

അന്വേഷണ റിപ്പോര്‍ട്ടിന്‍റെ അടിസ്ഥാനത്തില്‍ രണ്ട് പേര്‍ക്കെതിരെ നടപടിയെടുത്തിട്ടുണ്ടെന്നും പെണ്‍കുട്ടിയെക്കൊണ്ട് പരാതി കൊടുപ്പിക്കാനും മുന്നോട്ടുകൊണ്ടു പോകാനും കൊല്ലത്ത് മുന്‍കൈ എടുത്തത് യുവമോര്‍ച്ചയാണെന്ന് പെണ്‍കുട്ടി തന്നെ പറഞ്ഞിട്ടുണ്ടെന്നുo പി.സി. ചാക്കോ കോട്ടയം പ്രസ്‌ ക്ലബില്‍ മാധ്യമങ്ങളോട് പറഞ്ഞു.