നാർക്കോട്ടിക് ജിഹാദ് വിവാദം അടഞ്ഞ അധ്യായമെന്ന് ജോസ് കെ മാണി

നാർക്കോട്ടിക് ജിഹാദ് വിഷയത്തില്‍ ഇനിയൊരു പ്രതികരണത്തിനില്ലെന്ന് ജോസ് കെ മാണി

കോട്ടയം :പാലാ ബിഷപ്പ് ജോസഫ് കല്ലറങ്ങാട്ടിന്‍റെ നാർക്കോട്ടിക് ജിഹാദ് പ്രസ്‌താവനയും പിന്നാലെയുണ്ടായ വിവാദങ്ങളും അടഞ്ഞ അധ്യായമെന്ന് കേരള കോൺഗ്രസ് എം ചെയർമാൻ ജോസ് കെ മാണി.

ബിഷപ്പിന്‍റെ നാർക്കോട്ടിക് ജിഹാദ് പരാമർശത്തിൽ പാർട്ടിയുടെ നിലപാട് നേരത്തെ വ്യക്തമാക്കിയതാണ്. വിഷയത്തിൽ അദ്ദേഹത്തെ നേരിട്ടുകണ്ട് നിലപാട് അറിയിച്ചതാണ്.

ബിഷപ്പിന്‍റെ പുതിയ ലേഖനം വായിച്ചിട്ടില്ല. സമൂഹത്തിൽ ആ ചർച്ച അവസാനിച്ചതാണെന്നും അതിനാൽ ഇനി പ്രതികരണത്തിനില്ലെന്നും ജോസ് കെ മാണി കോട്ടയത്ത് മാധ്യമങ്ങളോട് പറഞ്ഞു.