കോട്ടയം :പുസ്തകശാലയ്ക്കൊപ്പം ചിത്രകലാ മ്യൂസിയവും തുറന്നുകൊടുക്കാനൊരുങ്ങി കോട്ടയം സി.എം.എസ് കോളജ് (CMS Collage). നിലവിൽ കോളജിൽ പ്രവർത്തിച്ചുവരുന്ന പുസ്തകശാലക്കാെപ്പം തന്നെ 'മ്യൂസിയം ആന്‍ഡ് ആർക്കേഡ്സ്' എന്ന പേരിലാണ് ചുമർചിത്രങ്ങൾ ഒരുങ്ങുന്നത്.
കോളജിന്‍റെ ചരിത്രം പറയുന്നവയാണ് ചുമര്‍ ചിത്രങ്ങള്‍ (Mural Painting). ക്ലാസ് റൂം പഠനത്തിനപ്പുറം വിദ്യാർഥികളിലെ കലാവാസന വളർത്താനും ചിന്തിപ്പിക്കാനും പദ്ധതിക്ക് സാധിക്കുമെന്ന് പ്രതീക്ഷിക്കുന്നതായി പ്രിൻസിപ്പൽ ഡോ. വർഗീസ് ജോഷ്വ പറഞ്ഞു.
ശ്രീ ശങ്കരാചാര്യ സംസ്കൃത യൂണിവേഴ്സിറ്റിയിലെ ചിത്രകലാ വിഭാഗം തലവനായ സാജു തുരുത്തിൽ അടക്കമുള്ള നിരവധി കലാകാരൻമാര്‍ ചേര്‍ന്നാണ് ചിത്രരചന. മൂന്ന് ഘട്ടങ്ങളിലായാണ് 'മ്യൂസിയം ആന്‍ഡ് ആർക്കേഡ്സ്' കലാലയത്തിൽ ഒരുങ്ങുന്നത്.
CMS Kottayam | ചരിത്രം ചുമര്‍ചിത്രങ്ങളാകുന്നു ; പുസ്തകശാലയ്ക്കൊപ്പം ചിത്രകലാ മ്യൂസിയവും തുറക്കാന്‍ സി.എം.എസ്