കോട്ടയം : മുല്ലപ്പെരിയാറിൽ പുതിയ ഡാം നിർമിക്കുന്നത് മണ്ടത്തരമെന്ന് സമര സമിതി മുൻ ചെയർമാൻ പ്രൊഫസർ സി.പി റോയി. പുതിയ ഡാം കൂടുതൽ പ്രശ്‌നങ്ങൾ വരുത്തിവയ്‌ക്കും. ഡാമിനുള്ളിൽ ടണൽ നിർമിച്ച് ജലം തമിഴ്‌നാട്ടിലേക്ക് കൊണ്ടുപോകാമെന്ന ആശയം സുപ്രീംകോടതി തത്വത്തിൽ പരിഗണിച്ച സാഹചര്യത്തിൽ അതിന് സർക്കാർ മുൻകൈയെടുക്കണമെന്നും സി.പി റോയി ആവശ്യപ്പെട്ടു.
മുല്ലപ്പെരിയാറിൽ പുതിയ ഡാം നിർമിക്കുന്നത് മണ്ടത്തരം: മുല്ലപ്പെരിയാർ സമരസമിതി മുൻ ചെയർമാൻ
ടണൽ നിർമിക്കുന്നത് വഴി 56 അടി വെള്ളം തമിഴ്‌നാടിന് കൂടുതൽ കിട്ടും. നിലവിലെ ടണൽ 106 അടി ഉയരത്തിലാണ്. 50 മീറ്റർ ഉയരത്തിൽ പുതിയ ടണൽ നിർമിച്ചാൽ വെള്ളം ഒഴുകി പോകുകയും അപകട ഭീഷണി ഒഴിവാകുകയും ചെയ്യും. ലോകമെമ്പാടും ഇതാണ് ചെയ്യുന്നത്.