മഹാത്മാഗാന്ധി സർവ്വകലാശാലാ പരീക്ഷ തിയതികളിൽ മാറ്റം

യു.ജി, സി.ബി.സി.എസ് പരീക്ഷ തിയതികളിലാണ് മാറ്റം വരുത്തിയത്

കോട്ടയം :മഹാത്മാഗാന്ധി സർവ്വകലാശാലയുടെ ആറാം സെമെസ്റ്റർ യു.ജി, സി.ബി.സി.എസ് പരീക്ഷയുടെ (റെഗുലർ/ പ്രൈവറ്റ്) ഏപ്രിൽ 20ലെ പരീക്ഷയും, മൂന്നാം സെമസ്‌റ്റർ യു.ജി, സി.ബി.സി.എസ് (റെഗുലർ /പ്രൈവറ്റ്) പരീക്ഷയുടെ ഏപ്രിൽ 21ലെ പരീക്ഷയും മാറ്റിയതായി കൺട്രോളർ അറിയിച്ചു . പുതുക്കിയ തിയതി പിന്നീട് അറിയിക്കും. മറ്റ് തിയതികളിലെ പരീക്ഷകൾക്ക് മാറ്റമില്ല.

പരീക്ഷ കേന്ദ്രം: ഏപ്രിൽ 20 ആരംഭിക്കുന്ന ആറാം സെമസ്റ്റർ ബി.എ./ ബി.കോം പ്രൈവറ്റ് രജിസ്ട്രേഷൻ - സി.ബി.സി.എസ് - 2019 അഡ്മിഷൻ - റഗുലർ, 2018, 2017 അഡ്മിഷൻ - റീ അപ്പിയറൻസ് പരീക്ഷകളുടെ പരീക്ഷാകേന്ദ്രം സംബന്ധിച്ച വിജ്ഞാപനം സർവ്വകലാശാല വെബ് സൈറ്റിൽ (www.mgu.ac.in) പ്രസിദ്ധീകരിച്ചിട്ടുണ്ട്.

വിദ്യാർഥികൾ അവരവർ രജിസ്റ്റർ ചെയ്ത കേന്ദ്രങ്ങളിലെത്തി ഹാൾ ടിക്കറ്റ് വാങ്ങി വിജ്ഞാപനത്തിൽ പറയുന്ന കോളജിൽ പരീക്ഷക്ക് ഹാജരാകണമെന്ന് പരീക്ഷ കൺട്രോളർ അറിയിച്ചു.