കോട്ടയം :മോഹൻലാൽ - പ്രിയദര്‍ശന്‍ ചിത്രം 'മരക്കാർ അറബിക്കടലിന്‍റെ സിംഹം' ടെലഗ്രാമില്‍ പ്രചരിപ്പിച്ച സംഭവത്തില്‍ ഒരാള്‍ പിടിയില്‍. കാഞ്ഞിരപ്പള്ളി സ്വദേശി നസീഫ് ആണ് ഞായറാഴ്ച അറസ്റ്റിലായത്. ചിത്രത്തിന്‍റെ വ്യാജപ്രിന്‍റ് 'സിനിമ കമ്പനി' എന്ന ടെലഗ്രാം ഗ്രൂപ്പില്‍ അപ്‌ലോഡ് ചെയ്യുകയും പ്രചരിപ്പിക്കുകയുമായിരുന്നു.
നല്ല പ്രിന്‍റ് ആണെന്നും ഓഡിയോ ഹെഡ്സെറ്റ് ഉപയോഗിച്ച്‌ കേള്‍ക്കണമെന്നും പറഞ്ഞ് സിനിമ പല ഗ്രൂപ്പുകളിലേക്കും പ്രതി അയച്ചു. ഇയാളെ സൈബര്‍ പൊലീസ് നിരീക്ഷിച്ച് വരികയായിരുന്നു. ഞായറാഴ്ച രാവിലെ എരുമേലി പൊലീസ് സ്റ്റേഷന്‍ പരിധിയിലുള്ള വീട്ടില്‍ നിന്ന്, കോട്ടയം എസ്‌.പി ഡി ശില്‍പയുടെ നേതൃത്വലാണ് പ്രതിയെ അറസ്റ്റുചെയ്‌തത്. മൊബൈല്‍ ഫോണ്‍ കടയുടമയാണ് നസീഫ്.
'മരക്കാർ അറബിക്കടലിന്‍റെ സിംഹം' ടെലഗ്രാമില്‍ പ്രചരിപ്പിച്ച സംഭവത്തില്‍ ഒരാള്‍ പിടിയില്‍.