ബിജെപിയിലേക്ക് പോകുന്നു എന്ന വാർത്ത അടിസ്ഥാനരഹിതമെന്ന് മാണി സി കാപ്പന്‍

തനിക്കെതിരെ അടിസ്ഥാന രഹിതമായ വാര്‍ത്തകള്‍ സമൂഹമാധ്യമങ്ങളില്‍ ചിലര്‍ പ്രചരിപ്പിക്കുകയാണെന്ന് മാണി സി കാപ്പന്‍ പറഞ്ഞു.

കോട്ടയം:താൻ ബിജെപിയിലേക്ക് പോകുന്നു എന്ന വാർത്ത അടിസ്ഥാനരഹിതമെന്ന് പാലാ എംഎല്‍എ മാണി സി കാപ്പൻ. ഒരു കാരണവശാലും ബിജെപിയിലേക്ക് പോകില്ല. താൻ ബിജെപിയിലേക്ക് എന്ന് പറഞ്ഞ് സമൂഹമാധ്യമങ്ങളിൽ ചിലർ ആഘോഷമാക്കുകയാണെന്നും മാണി സി കാപ്പന്‍ പറഞ്ഞു.

ഈ വിഷയത്തിൽ താൻ മറുപടി പറയാൻ വൈകിയത് അസുഖബാധിതനായി ആശുപത്രിയിലായിരുന്നതിനാലാണ്. കെപിസിസി പ്രസിഡൻ്റ് കെ സുധാകരനെതിരെ സംസാരിച്ചിട്ടില്ല. കെ സുധാകരനുമായിട്ട് ഏറെ വർഷത്തെ ആത്മബന്ധമാണ് തനിക്കുള്ളതൊന്നും കാപ്പൻ പാലായിൽ പറഞ്ഞു.