കോട്ടയത്ത് ബൈക്ക് അപകടത്തിൽ യുവാവ് മരിച്ചു

കുമരകം ബസാറിന് സമീപത്ത് ബൈക്ക് നിയന്ത്രണം വിട്ട് പോസ്റ്റിലിടിച്ചാണ് കുമരകം സ്വദേശി അജയൻ മരിച്ചത്

കോട്ടയം:കുമരകത്ത് നിയന്ത്രണം വിട്ട ബൈക്ക് പോസ്റ്റിലിടിച്ച് യുവാവ് മരിച്ചു. കുമരകം തുണ്ടത്തിൽ പരേതനായ വിജയന്‍റെ മകൻ അജയനാണ് (40) മരിച്ചത്. രാത്രി എട്ട് മണിക്ക് കുമരകം ബസാറിന് സമീപമാണ് അപകടം ഉണ്ടായത്. അജയൻ സഞ്ചരിച്ചിരുന്ന ബൈക്ക് നിയന്ത്രണം വിട്ട് ദിശ തെറ്റി പോസ്റ്റിൽ ഇടിക്കുകയായിരുന്നു. ഉടൻ തന്നെ നാട്ടുകാർ അജയനെ കോട്ടയം മെഡിക്കൽ കോളജിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ രമ്യ. അനഘ, അഭിജിത് എന്നിവർ മക്കളാണ്.