കോട്ടയം: സഭ ഒന്നാണെന്ന് മലങ്കര ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവ പറഞ്ഞു. വ്യത്യസ്തമായ അഭിപ്രായങ്ങൾ സഭയിലുണ്ട് എന്നുള്ളത് മാത്രമാണ് വ്യത്യാസം. സഭ തർക്കത്തിൽ അഭിപ്രായ സമന്വയം ഉണ്ടാകുമെന്നാണ് പ്രതീക്ഷ. 34-ലെ ഭരണഘടന അനുസരിച്ച് എല്ലാവരും സഭയുടെ ഭാഗമാണ്.
സഭയുടെതെന്ന് അംഗീകരിക്കപ്പെട്ട പള്ളികളാണെങ്കിൽ സഭയോട് ചേർത്തിരിക്കും: കാതോലിക്ക ബാവ
സർക്കാരിന്‍റെ ഭാഗത്തു നിന്ന് സഹകരണത്തിന് കുറവ് ഒന്നുമുണ്ടായിട്ടില്ല. സർക്കാർ കോടതി വിധി നടപ്പിലാക്കും എന്നാണ് വിശ്വാസം. സഭയുടെതെന്ന് അംഗീകരിക്കപ്പെട്ട പള്ളികളാണെങ്കിൽ സഭയോട് ചേർത്തിരിക്കും. പരസ്പര സ്വീകരണം സ്വാഗതാർഹമാണെന്നും ബാവ പറഞ്ഞു.