കോട്ടയം:പുനർനിർമിച്ച കോട്ടയം കെഎസ്ആർടിസി ബസ് ടെർമിനലിന്‍റെ പണികൾ അവസാന ഘട്ടത്തിലെത്തി. ഒരു നിലയുള്ള കാത്തിരിപ്പ് കേന്ദ്രത്തിന്‍റെയും അനുബന്ധ സംവിധാനങ്ങളുടെയും നിർമാണം ഇതിനോടകം പൂർത്തിയായിട്ടുണ്ട്. നിലവിൽ യാർഡ് ഇന്‍റർലോക്ക് കട്ടകൾ പാകുന്ന ജോലികൾ നടന്നുകൊണ്ടിരിക്കുകയാണ്.
ടെർമിനലിന്‍റെ ഉദ്ഘാടനം ഒക്‌ടോബർ 25ന് ഗതാഗത മന്ത്രി നിർവഹിക്കും. 6000 ചതുരശ്ര അടിയാണ് കെഎസ്ആർടിസി ബസ് സ്റ്റാൻഡ് സമുച്ചയവും യാർഡും ഉൾപ്പെടെയുള്ള വിസ്‌തീർണം. ഇവിടെ ഉണ്ടായിരുന്ന പഴയ ഇരുനില കെട്ടിടം പൊളിച്ചതോടെ യാത്രക്കാർ ഏറെ ബുദ്ധിമുട്ടിലായിരുന്നു.
പുനർനിർമിച്ച കോട്ടയം കെഎസ്ആർടിസി ബസ് ടെർമിനലിന്‍റെ പണികൾ അവസാന ഘട്ടത്തിൽ