കോട്ടയം:സ്വർണം വാങ്ങാനെന്ന വ്യാജേനയെത്തിയ യുവാവ് മൂന്ന് പവൻ കവർന്നു. കറുകച്ചാലിലെ ജ്വല്ലറിയില്‍ ഇന്ന് ഉച്ചയ്ക്ക് 12.30നാണ് സംഭവം. ഫേസ്‌മാസ്‌ക് ധരിച്ചെത്തിയ മോഷ്‌ടാവ് സ്ഥാപനത്തിന്‍റെ മുന്‍പില്‍ നിര്‍ത്തിയിട്ട സ്‌കൂട്ടറിലാണ് മാലയുമായി കടന്നുകളഞ്ഞത്.
കോട്ടയത്ത് സ്വർണം വാങ്ങാനെന്ന വ്യാജേനെയെത്തിയ ആള്‍ മോഷണം നടത്തുന്നതിന്‍റെ സിസിടിവി ദൃശ്യം
സുമംഗലി ജ്വല്ലറിയിലാണ് മോഷണം നടന്നത്. ജ്വല്ലറി അധികൃതര്‍ പൊലീസില്‍ പരാതി നല്‍കിയതിനെ തുടര്‍ന്ന് അന്വേഷണം ഊര്‍ജിതമാണ്. ഇയാൾ, ഡിസംബര്‍ ഏഴാം തിയതി ഇതേ ജ്വല്ലറിയില്‍ എത്തിയതിൻ്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്. രണ്ടാഴ്‌ച മുന്‍പ് പാമ്പാടിയിലും സമാനമായ മോഷണം നടന്നിരുന്നു. എന്നാല്‍, കറുകച്ചാലില്‍ മോഷണം നടത്തിയ ആളുതന്നെയാണോ ഇതിനുപിന്നിലെന്ന് സ്ഥിരീകരിക്കാന്‍ പൊലീസിന് കഴിഞ്ഞിട്ടില്ല.