കോട്ടയം:അയല്‍വാസിയുടെ ഗര്‍ഭിണിയായ ആടിനെ മോഷ്ടിച്ച് ഇറച്ചിയാക്കി വിറ്റയാളെ പൊലീസ് അറസ്റ്റ് ചെയ്തു. പാലാ കുടക്കച്ചിറ കിഴക്കേ ചേനാൽ സ്വദേശി സാജു ജോസഫിനെയാണ് (45) സംഭവുമായി ബന്ധപ്പെട്ട് കസ്റ്റഡിയിലെടുത്തത്.
കുടക്കച്ചിറ വരകാപ്പിള്ളിൽ സരോജിനിയുടെ ഗര്‍ഭിണി ആയിരുന്ന ആടിനെ ശനിയാഴ്ച്ച മുതലാണ് കാണാതായത്. ഇതേ തുടര്‍ന്ന് സരോജിനി പൊലീസില്‍ പരാതിപ്പെടുകയായിരുന്നു. സാജുവാണ് മോഷണം നടത്തിയെന്ന സംശയത്തെ തുടർന്ന് പൊലീസ് നടത്തിയ അന്വേഷണത്തിലാണ് സത്യം പുറത്ത്‌വന്നത്.