കേരളാ കോൺഗ്രസ് ജോസ് കെ മാണി വിഭാഗത്തിന്‍റെ സംസ്ഥാന തല നേതൃക്യാമ്പ് ഇന്ന് മുതൽ

രണ്ട് ദിവസങ്ങളിലായി നടക്കുന്ന ക്യാമ്പിൽ കുട്ടനാട്  ഉപതെരെഞ്ഞെടുപ്പ്,  പൗരത്വ ഭേദഗതി നിയമം തുടങ്ങി വിവിധ വിഷയങ്ങൾ ഉന്നയിക്കും

കോട്ടയം: കേരളാ കോൺഗ്രസ് (എം) ജോസ് കെ മാണി വിഭാഗത്തിന്‍റെ സംസ്ഥാന തല നേതൃക്യാമ്പ് ഇന്ന് മുതൽ ചരൽക്കുന്നിൽ ആരംഭിക്കും. രണ്ട് ദിവസങ്ങളിലായി നടക്കുന്ന ക്യാമ്പിൽ കുട്ടനാട് ഉപതെരെഞ്ഞെടുപ്പ്, എപ്രില്‍ മാസത്തിലെ മഹാസമ്മേളനത്തിന്‍റെ സംഘാടനം, പൗരത്വ ഭേദഗതി നിയമം , കാര്‍ഷിക വിഷയങ്ങളില്‍ പാര്‍ട്ടി ഏറ്റെടുക്കുന്ന പ്രക്ഷോഭങ്ങള്‍ എന്നിവ ചർച്ചയാകും. ജോസ് കെ മാണി ക്യാമ്പ് ഉദ്ഘാടനം ചെയ്യും. പാർട്ടി എംഎൽഎമാർ, എംപിമാർ, പാര്‍ട്ടിയുടെ സ്റ്റീയറിംഗ് കമ്മിറ്റി അംഗങ്ങള്‍, ജില്ലാ പ്രസിഡന്‍റുമാര്‍, നിയോജകമണ്ഡലം പ്രസിഡന്‍റുമാര്‍, സംസ്ഥാന കമ്മറ്റി അംഗങ്ങള്‍ തുടങ്ങിയവർ ക്യാമ്പില്‍ പങ്കെടുക്കും.