രണ്ടിലയില്‍ തർക്കം തുടരുന്നു

അകലകുന്നം ഉപതെരഞ്ഞെടുപ്പില്‍ ജോസ് കെ മാണി വിഭാഗം സ്ഥാനാർഥിയെ രംഗത്തിറക്കിയതാണ് ജോസഫ് വിഭാഗത്തെ ചൊടുപ്പിച്ചത്.

കോട്ടയം: ചങ്ങനാശ്ശേരിയിലും കാഞ്ഞിരപ്പള്ളി ബ്ലോക്ക് പഞ്ചായത്തിലും ഉൾപ്പെടെ സ്ഥാനങ്ങൾ പങ്കുവയ്ക്കുന്നതിലെ ധാരണകൾ ജോസ് വിഭാഗം പാലിക്കുന്നില്ലെന്ന് ജോസഫ് വിഭാഗം. അകലകുന്നം ഉപതെരഞ്ഞെടുപ്പില്‍ ജോസ് കെ മാണി വിഭാഗം സ്ഥാനാർഥിയെ രംഗത്തിറക്കിയതാണ് ജോസഫ് വിഭാഗത്തെ ചൊടുപ്പിച്ചത്. തങ്ങൾക്ക് അവകാശപ്പെട്ട സ്ഥാനമാനങ്ങൾ നൽകാത്തതോടൊപ്പം എൽ.ഡി.എഫുമായി ചേർന്ന് അകലകുന്നത്ത് ജോസ് കെ മാണി സ്ഥാനാർഥിയെ രംഗത്തിറക്കിയതെന്നും ജോസഫ് വിഭാഗം ആരോപിച്ചു.

ഇരുവിഭാഗവും ധാരണകള്‍ പാലിക്കുന്നില്ലെന്ന് വിമര്‍ശം ഉന്നയിച്ചപ്പോള്‍ കേരള കോണ്‍ഗ്രസ് തര്‍ക്കത്തില്‍ സംസ്ഥാന നേതൃത്വം തീരുമാനമെടുക്കുമെന്ന് പറഞ്ഞ് യു.ഡി.എഫ് ജില്ലാ നേതൃത്വം തടിതപ്പി. അതേസമയം, ജോസഫ്- ജോസ് കെ മാണി വിഭാഗങ്ങളുടെ അധികാര തർക്കം യു.ഡി.എഫ് നേതൃത്വത്തെ ആശങ്കയിലാക്കിയിട്ടുണ്ട്.