കരുവന്നൂർ ബാങ്ക് തട്ടിപ്പ്; നടപടിക്ക് താമസിച്ചതെന്തെന്ന് കെ.സി ജോസഫ്

യുഡിഎഫ് ഭരിക്കുന്ന ബാങ്കുകളിൽ എൽ.ഡി.എഫ് അനാവശ്യ ഇടപെടലുകൾ നടത്തുന്നുണ്ടെന്നും കെ.സി ജോസഫ്‌ ആരോപിച്ചു.

കോട്ടയം: കരുവന്നൂർ സഹകരണ ബാങ്ക് തട്ടിപ്പിൽ എന്തുകൊണ്ടാണ് നടപടിയെടുക്കാൻ താമസിച്ചതെന്ന് മുൻ മന്ത്രിയും കോൺഗ്രസ് നേതാവുമായ കെ.സി ജോസഫ്. യുഡിഎഫ് ഭരിക്കുന്ന ബാങ്കുകളിൽ അനാവശ്യമായി എൽഡിഎഫ് സർക്കാർ ഇടപെടലുകൾ നടത്തുന്നുവെന്നും എന്നാൽ സിപിഎം ഭരിക്കുന്ന ബാങ്കുകളിൽ തട്ടിപ്പ് നടത്തുന്നവർക്കെതിരെ നടപടിയില്ലെന്നും കെ.സി ജോസഫ് ആരോപിച്ചു.

ജനാധിപത്യത്തെ അട്ടിമറിക്കാനുള്ള ശ്രമമാണ് ഇവിടെ നടക്കുന്നതെന്നും യുഡിഎഫ് അതിനെ ശക്തമായി നേരിടുമെന്നും കോട്ടയത്ത് നടന്ന സഹകരണ ധർണ ഉദ്ഘാടനം ചെയ്‌തുകൊണ്ട് കെ.സി ജോസഫ് വിശദീകരിച്ചു.