വോട്ടിങ് കുറഞ്ഞതിൽ ആശങ്കയില്ല:ജോസ് കെ മാണി

ബൂത്ത് അടിസ്ഥാനത്തില്‍ ലഭിച്ച കണക്കുകളുടെ വിലയിരുത്തല്‍ നടത്തി. പോളിംഗ് ശതമാനം കുറഞ്ഞപ്പോള്‍ പലപ്പോഴും പ്രതീക്ഷിച്ചതിനേക്കാള്‍ വലിയ ഭൂരിഭക്ഷം ലഭിച്ചിട്ടുണ്ട്.

കോട്ടയം: വോട്ടിങ് കുറഞ്ഞതിൽ ആശങ്കയില്ലെന്നും രണ്ടാം ഘട്ട തെരഞ്ഞെടുപ്പ് നടന്ന ജില്ലകളിലും എൽഡിഎഫ് മുന്നേറ്റം ഉണ്ടാക്കുമെന്നും കേരള കോണ്‍ഗ്രസ് എം ചെയര്‍മാന്‍ ജോസ് കെ മാണി. കോട്ടയം ജില്ലയില്‍ വന്‍മുന്നേറ്റമുണ്ടാവുമെന്നാണ് പ്രാഥമിക വിലയിരുത്തലെന്നും ജോസ് കെ മാണി പറഞ്ഞു.

കേരള കോണ്‍ഗ്രസിന്‍റേയും എല്‍ഡിഎഫിന്‍റേയും പരമാവധി വോട്ടുകള്‍ പോള്‍ ചെയ്‌തിട്ടുണ്ട്. ബൂത്ത് അടിസ്ഥാനത്തില്‍ ലഭിച്ച കണക്കുകളുടെ വിലയിരുത്തല്‍ നടത്തി. പോളിങ് ശതമാനം കുറഞ്ഞപ്പോള്‍ പലപ്പോഴും പ്രതീക്ഷിച്ചതിനേക്കാള്‍ വലിയ ഭൂരിഭക്ഷം ലഭിച്ചിട്ടുണ്ട്. ഇക്കുറി അതാവര്‍ത്തിക്കുമെന്നും ജോസ് കെ മാണി പറഞ്ഞു.