കോട്ടയം: ജീവിത കാലം മുഴുവൻ തെരുവില്‍ കഴിയേണ്ട അവസ്ഥ. റോഡിനോട് ചേർന്ന് ചാക്കും പഴയ തുണികളും കൊണ്ട് മറച്ച കുടില്‍. കോട്ടയം - തിരുവാതുക്കൽ റോഡിന് സമീപം നിരാലംബയും വികലാംഗയുമായ ലക്ഷ്‌മിയമ്മ നരക ജീവിതം നയിച്ചു തീർക്കുകയാണ്. അറുപതിയഞ്ച് വയസുണ്ട് ലക്ഷ്‌മിയമ്മയ്ക്ക്. ഭർത്താവ് വർഷങ്ങൾക്ക് മുൻപ് ഉപേക്ഷിച്ചതോടെ വീട്ടുജോലികളും തുന്നലുമായിരുന്നു ജീവിതമാർഗം. പ്രമേഹം മൂർച്ഛിച്ച് വലതുകാല്‍ നഷ്‌ടമായതോടെ ജോലി ചെയ്‌ത് ജീവിക്കാൻ കഴിയാതെയായി. മകൻ കൂടി മരിച്ചതോടെ ലക്ഷ്‌മിയമ്മ പൂർണമായും തെരുവിന്‍റെ കാരുണ്യത്തില്‍ ജീവിച്ചു തുടങ്ങി.
തെരുവിന്‍റെ കാരുണ്യമാണ് ഈ ജീവിതം: ലക്ഷ്‌മിയമ്മയ്ക്ക് വീട് ഒരു സ്വപ്‌നം മാത്രം