കോട്ടയം: ജില്ലയുടെ കിഴക്കന്‍ മേഖലകളില്‍ കനത്ത മഴ തുടരുന്നു. മേഖലയിലുണ്ടായ ഉരുള്‍പൊട്ടല്‍ കാരണം ജില്ലയുടെ പടിഞ്ഞാറന്‍ മേഖലയില്‍ വെള്ളം കയറി. താഴത്തങ്ങാടി, കാഞ്ഞിരം, ഇല്ലിക്കൽ, കുളിരൂര്‍, കുമ്മനം, കാഞ്ഞിരം, മലരിക്കൽ എന്നിവിടങ്ങളിലെ വീടുകളിലും താഴത്തങ്ങാടി പാറപ്പാടം ദേവി ക്ഷേത്രത്തിലും വെള്ളം കയറി.
കോട്ടയത്തെ കിഴക്കന്‍ മേഖലയില്‍ കനത്ത മഴ
എന്നാല്‍ നിത്യ പൂജകള്‍ക്ക് മുടക്കം വന്നില്ല. മീനച്ചിലാര്‍ കരകവിഞ്ഞ് ഒഴുകുകയാണ്. പാലാ, ഈരാറ്റുപേട്ട എന്നിവിടങ്ങളിലുണ്ടായ ഉരുള്‍പൊട്ടല്‍ മീനച്ചിലാറില്‍ ജലനിരപ്പ് ഉയരാനിടയായി. ആറ്റില്‍ ജലനിരപ്പ് ഉയര്‍ന്ന് കൊണ്ടിരിക്കുകയാണെന്ന് നാട്ടുകാര്‍ പറയുന്നു.