കോട്ടയം: ഏറ്റുമാനൂരിൽ ഹോട്ടലിൽ ഗുണ്ടാ ആക്രമണം. കടയുടമ രാജു താരയേയും, ജീവനക്കാരെയും രണ്ടംഗ സംഘം മാരകായുധങ്ങൾ കാട്ടി ഭീഷണിപ്പെടുത്തി കവര്‍ച്ച നടത്തി. സംഘം കടയുടമയെയും ജീവനക്കാരെയും മര്‍ദ്ദിച്ച ശേഷമാണ് പണം കവര്‍ന്നത്.
സംഭവത്തില്‍ ഏറ്റുമാനൂർ പൊലീസ് കേസ് എടുത്ത് അന്വേഷണമാരംഭിച്ചു. ഗുണ്ട ആക്രമണത്തിനിടെ ജീവനക്കാരന് പരിക്കേറ്റു. ഹോട്ടലിൽ സ്ഥാപിച്ച സിസിടിവിയിൽ അക്രമിയുടെ ദൃശ്യങ്ങൾ പതിഞ്ഞിട്ടുണ്ട്. ഏറ്റുമാനൂർ പോലീസ് കേസ് എടുത്ത് അന്വേഷണമാരംഭിച്ചു.
ഞായറാഴ്‌ച രാത്രി മദ്യപിച്ചെത്തിയ രണ്ടുപേർ ഭക്ഷണം ചോദിച്ച് എത്തിയതോടെ ആണ് സംഭവങ്ങളുടെ തുടക്കമെന്ന് പൊലീസ് പറഞ്ഞു. 10 മണിക്ക് കട അടയ്ക്കുകയാണന്ന് പറഞ്ഞതോടെ ഇവർ ഇറങ്ങി പോയ ശേഷം വീണ്ടും എത്തി അക്രമം അഴിച്ചു വിടുകയായിരുന്നു.
