കോട്ടയം :കോമുണ്ടക്കയത്ത് യുവതിയെ വിവാഹ വാഗ്‌ദാനം നൽകി പീഡിപ്പിച്ച ക്ഷേത്ര പൂജാരി അറസ്റ്റിൽ. എരുമേലി സ്വദേശി വിനുവാണ് പിടിയിലായത്. യുവതി പരാതി നൽകിയതോടെ ഇയാൾ മുണ്ടക്കയം സ്റ്റേഷനിൽ കീഴടങ്ങുകയായിരുന്നു.
മുണ്ടക്കയം മടുക്ക മഹാവിഷ്ണു ക്ഷേത്രത്തിലെ പൂജാരിയായിരുന്ന വിനു വിവാഹ വാഗ്‌ദാനം നൽകി ക്ഷേത്രത്തിലെ ശാന്തി മഠത്തിൽ വച്ചാണ് യുവതിയെ പീഡിപ്പിച്ചത്. എന്നാൽ മറ്റൊരു യുവതിയുമായി വിവാഹം ഉറപ്പിച്ചതോടെയാണ് ഇയാൾ തന്നെ ബോധപൂർവം ചതിക്കുകയായിരുന്നുവെന്ന് യുവതിക്ക് മനസ്സിലായത്.
ALSO READ:അന്ന് അന്നത്തിനായി ശിവഗിരിയില്‍ നാരങ്ങ വെള്ളം വിറ്റു ; ഇന്ന് ആനി ശിവ വര്‍ക്കല എസ്.ഐ
ഇതേ തുടർന്ന് യുവതിയും ബന്ധുക്കളും ചേർന്ന് വിനുവുമായി ചർച്ച നടത്തി. ഇതോടെ യുവതിയെ രജിസ്റ്റർ വിവാഹം ചെയ്യാമെന്ന് ഇയാൾ സമ്മതിച്ചു. എന്നാൽ വിവാഹം പറഞ്ഞുറപ്പിച്ച ദിവസം സബ്‌രജിസ്ട്രാർ ഓഫിസിൽ യുവതിയും ബന്ധുക്കളുമെത്തിയെങ്കിലും വിനു വന്നില്ല.
യുവതി ഫോണിൽ ബന്ധപ്പെടാൻ ശ്രമിച്ചെങ്കിലും മൊബൈൽ ഓഫ് ചെയ്ത നിലയിലായിരുന്നു. ഇതേതുടർന്ന് യുവതി പൊലീസിൽ പരാതി നൽകി. മുണ്ടക്കയം സ്റ്റേഷനിൽ കീഴടങ്ങിയ വിനുവിന്‍റെ അറസ്റ്റ് രേഖപ്പെടുത്തിയിട്ടുണ്ട്.
