കോട്ടയത്ത് യുവ ഡോക്‌ടർ ശുചിമുറിക്കുള്ളിൽ മരിച്ച നിലയിൽ

കഴുത്തിലും കൈയിലുമുള്ള മുറിവുകളിൽ നിന്നും രക്തം വാർന്ന് മരണം സംഭവിച്ചതാണെന്ന് പൊലീസ് പറയുന്നു.

കോട്ടയം: പാത്താമുട്ടത്ത് യുവഡോക്‌ടറെ മരിച്ച നിലയിൽ കണ്ടെത്തി. പാത്താമുട്ടം പഴയാറ്റിങ്ങൽ രഞ്ജി പുന്നൂസിന്‍റെ മകൻ സ്റ്റെഫിൽ രഞ്ജിയെയാണ്(32) വീടിന്‍റെ ശുചിമുറിയ്ക്കുള്ളിൽ മരിച്ച നിലയിൽ കണ്ടെത്തിയത്. വെള്ളിയാഴ്‌ച വൈകിട്ട് അഞ്ചരയോടെയായിരുന്നു സംഭവം.

സ്റ്റെഫിലിന്‍റെ കഴുത്തിലും കൈയിലും മുറിവുകളുണ്ട്. ഈ മുറിവിൽ നിന്നും രക്തം വാർന്നാണ് മരണം സംഭവിച്ചതെന്നാണ് പൊലീസ് നൽകുന്ന സൂചന. പൊലീസ് സംഘം ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.

കോട്ടയം, ചങ്ങനാശ്ശേരി എന്നിവിടങ്ങളിൽ സ്വകാര്യ ആശുപത്രികളിൽ ഇദ്ദേഹം പ്രവർത്തിച്ചിട്ടുണ്ട്. മൃതദേഹം ചെത്തിപ്പുഴ ആശുപത്രി മോർച്ചറിയിൽ.