കടുത്തുരുത്തി (കോട്ടയം) : വിമുക്ത ഭടന്‍റെ വീട്ടിൽ മോഷണശ്രമം നടത്തിയയാള്‍ പിടിയില്‍. പാലായിൽ താമസിക്കുന്ന മകൾ സിസിടിവിയിൽ കണ്ട് അയൽവാസിയെ വിവരം അറിയിച്ചതോടെയാണ് മോഷ്‌ടാവിന് പിടിവീണത്. കീഴൂർ സ്വദേശിയും ആലപ്പുഴയിൽ താമസിച്ച് വരുന്നതുമായ ചിറ്റേത്ത് പുത്തൻപുരയിൽ റോബിൻസൺ (32) ആണ് പിടിയിലായത്.
അയല്‍വാസി അറിയിച്ചതിനെ തുടര്‍ന്ന് സ്ഥലത്തെത്തിയ പൊലീസാണ് മോഷ്ടാവിനെ പിടിച്ചത്. വിമുക്തഭടന്‍ കീഴൂർ മേച്ചേരിൽ മാത്യുവും, ഭാര്യയും താമസിക്കുന്ന വീട്ടിൽ ബുധനാഴ്ച പുലർച്ചെ 1.30 ഓടെയാണ് മോഷണ ശ്രമമുണ്ടായത്.
40 കിലോമീറ്റര്‍ അകലത്തിരുന്ന് മകള്‍ സിസിടിവിയില്‍ കണ്ടു; നൈറ്റിയിട്ടെത്തിയ മോഷ്ടാവ് പിടിയില്‍
പാലായിൽ താമസിക്കുന്ന ഇവരുടെ മകള്‍ സോണിയ മാത്യു കീഴൂരിലെ വീട്ടിലെ സിസിടിവി ദൃശ്യം തത്സമയം സ്വന്തം മൊബൈൽ ഫോണിൽ നോക്കിയപ്പോഴാണ് മോഷ്ടാവിനെ കാണുന്നത്.