കോട്ടയം :കോട്ടയം മണിമലയിൽ വാഹനാപകടത്തിൽ സഹോദരങ്ങൾക്ക് ദാരുണാന്ത്യം. മണിമലയിൽ ആക്‌ടീവ സ്‌കൂട്ടറും ഇന്നോവയും കൂട്ടിയിടിച്ചാണ് അപകടം ഉണ്ടായത്. സ്‌കൂട്ടർ യാത്രക്കാരായ മണിമല പതാലിപ്ലാവ് കുന്നുംപുറത്ത് താഴെ യോഹന്നാൻ മാത്യുവിൻ്റെ മകൻ ജിൻസ് ജോൺ (31), സഹോദരൻ ജിസ് (25) എന്നിവരാണ് മരിച്ചത്. ഇന്നലെ വൈകിട്ട് കറിക്കാട്ടൂരിനും മണിമലയ്ക്കുമിടയ്ക്കാണ് അപകടം ഉണ്ടായത്.
മണിമലയിൽ വാഹനാപകടത്തിൽ സഹോദരങ്ങൾക്ക് ദാരുണാന്ത്യം - accident in kerala
ഇന്നലെ വൈകിട്ട് കറിക്കാട്ടൂരിനും മണിമലയ്ക്കുമിടയ്ക്കാണ് അപകടം ഉണ്ടായത്
സഹോദരങ്ങൾക്ക് ദാരുണാന്ത്യം
സ്‌കൂട്ടർ നിയന്ത്രണം വിട്ട് ഇന്നോവയിൽ ഇടിക്കുകയായിരുന്നു എന്നാണ് പ്രാഥമിക നിഗമനം. ഇരുവരെയും കോട്ടയം മെഡിക്കൽ കോളജ് ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. യുവാക്കളുടെ മൃതദേഹം പോസ്‌റ്റുമോർട്ടം നടപടികൾ പൂർത്തിയാക്കി ബന്ധുക്കൾക്ക് നൽകും.