കോട്ടയം: ഭാര്യയുടെ കഴുത്തിന് വെട്ടിയശേഷം ഒന്‍പത് വര്‍ഷമായി ഒളിവില്‍ കഴിഞ്ഞ പ്രതിയെ പിടികൂടി. എരുമേലി കാരിശേരി ദയാഭവന്‍ വീട്ടില്‍ വിജയാനന്ദനെയാണ്(58) എരുമേലി പൊലീസ് പിടികൂടിയത്. 2013ല്‍ ഭാര്യയെ വെട്ടിപരുക്കേല്‍പ്പിച്ച ശേഷമാണ് ഇയാള്‍ നാടുവിട്ടത്.
ജില്ലയിലെ സ്റ്റേഷനുകളിൽ രജിസ്റ്റർ ചെയ്‌ത കേസുകളിൽ പിടിക്കപ്പെടാത്ത പ്രതികളെ കണ്ടെത്താൻ കോട്ടയം ജില്ല പൊലീസ് മേധാവി നിർദേശം നൽകിയിരുന്നു. ഇതോടെയാണ് വിജയാനന്ദിനെ തേടിയുള്ള അന്വേഷണം വീണ്ടും ആരംഭിക്കുന്നത്. ഇടുക്കി ജില്ലയിലെ അരിയാനിപാറയില്‍ ആല്‍ബിന്‍ എന്ന വ്യാജ പേരില്‍ ആദ്യ ഭാര്യയുടെയും രണ്ട് മക്കളുടെയും വിവരം മറച്ചു വെച്ച് മറ്റൊരു യുവതിയെ വിവാഹം ചെയ്‌ത് കഴിയുകയായിരുന്നു വിജയാനന്ദ്.