കോട്ടയം : ചങ്ങനാശേരിയിൽ 10 വയസുകാരിയെ പീഡിപ്പിച്ച 74കാരൻ അറസ്റ്റിൽ. കുറിച്ചി സ്വദേശി യോഗീദക്ഷനാണ് പിടിയിലായത്. കുട്ടിയുടെ മാതാപിതാക്കളുടെ പരാതിയിലാണ് നടപടി. ചങ്ങനാശേരിയിൽ പലചരക്ക് കട നടത്തിവരികയാണ് ഇയാള്‍.
പെൺകുട്ടി സാധനം വാങ്ങാനായി കടയിലെത്തിയപ്പോഴാണ് ഇയാൾ പീഡിപ്പിച്ചത്. വിവരം പുറത്തുപറയാതിരിക്കാൻ പ്രതി കുട്ടിക്ക് മിഠായിയും നൽകിയിരുന്നു. കുട്ടി കടയിൽ വരുമ്പോൾ പ്രതി രഹസ്യഭാഗങ്ങളിൽ ഉൾപ്പടെ സ്പർശിക്കുകയും മോശമായി പെരുമാറുകയും ചെയ്തിരുന്നുവെന്ന് പൊലീസ് പറഞ്ഞു.