കൊല്ലം:കൊല്ലം കലക്ട്രേറ്റിലേക്ക് യുവമോർച്ച നടത്തിയ മാർച്ചിൽ നേരിയ സംഘർഷം. പൊലീസ് ജലപീരങ്കി പ്രയോഗിച്ചു. പിൻവാതിലിലൂടെ പി.എസ്.സിയിൽ നിയമനങ്ങൾ നടത്തുന്നുവെന്നാരോപിച്ചാണ് യുവമോർച്ച മാർച്ച് സംഘടിപ്പിച്ചത്.
കൊല്ലം താലൂക്ക് കച്ചേരി ജങ്ഷനിൽ നിന്നാരംഭിച്ച മാർച്ച് കലക്ട്രേറ്റിന് മുന്നിൽ പൊലീസ് തടയുകയായിരുന്നു. പ്രവർത്തകർ ബാരിക്കേട് മറികടക്കാൻ ശ്രമിച്ചതോടെയാണ് പൊലീസ് ജലപീരങ്കി പ്രയോഗിച്ചത്. പിരിഞ്ഞ് പോകാൻ തയാറാകാത്ത പ്രവർത്തകരും പൊലീസും തമ്മിൽ വാക്കേറ്റം ഉണ്ടായി. റോഡ് ഉപരോധിച്ച പ്രവർത്തകരെ പൊലീസ് ബലം പ്രയോഗിച്ച് അറസ്റ്റ് ചെയ്‌ത് നീക്കി. വിഷ്‌ണു പട്ടത്താനത്തിൻ്റെ നേതൃത്വത്തിലായിരുന്നു പ്രതിഷേധ മാർച്ച്.
