കൊല്ലം:ജീവനക്കാരെ സ്ഥിരപ്പെടുത്തുവാനും പിൻവാതിൽ നിയമനങ്ങൾക്കെതിരെയും ഉള്ള സർക്കാർ തീരുമാനത്തിൽ യൂത്ത് കോൺഗ്രസ് പ്രതിഷേധം. ജില്ലാ പിഎസ് സി ഓഫീസിന്‍റെ ബോർഡ് മാറ്റി എകെജി സെന്‍റർ എന്ന ബോർഡ് സ്ഥാപിച്ചായിരുന്നു പ്രതിഷേധം.യൂത്ത് കോൺഗ്രസ് സംസ്ഥാന ജനറൽ സെക്രട്ടറി ഫൈസൽ കുളപ്പാടം ഉദ്ഘാടനം ചെയ്തു. അഞ്ച് വർഷം അധികാരത്തിലിരുന്ന പിണറായി വിജയൻ പിഎസ്സി ഉദ്യോഗാർഥികളെ വഞ്ചിക്കുകയാണെന്നും, അധികാരം വിട്ടൊഴിയുന്നതിന് മുൻപ് പാർട്ടിക്കാരെയും ഇഷ്ടക്കാരെയും വിവിധ വകുപ്പുകളിൽ സ്ഥിരപ്പെടുത്തുകയും, പിൻവാതിലിലൂടെ നിയമിക്കുകയും ചെയ്യുകയാണെന്നും അദ്ദേഹം പറഞ്ഞു.
പിഎസ്സി ഓഫീസിൽ എകെജി സെന്‍റർ എന്ന ബോർഡ് സ്ഥാപിച്ച്‌ യൂത്ത് കോൺഗ്രസ് പ്രതിഷേധം