കൊല്ലം :നാലുപേര്‍ ചേര്‍ന്നാണ്, കേരളപുരം പെനിയേൽ സ്കൂളിന് സമീപം കോട്ടൂർവീട്ടിൽ സുനിൽകുമാറിനെ (39) വെട്ടിക്കൊലപ്പെടുത്തിയതെന്ന് സൂചന. നാലുപേര്‍ വീട്ടില്‍ നിന്ന് ഇറങ്ങിയോടുന്നത് കണ്ടെന്ന അയല്‍വാസിയുടെ മൊഴിയാണ് നിര്‍ണായകമായത്.
യുവാവ് വെട്ടേറ്റു മരിച്ച സംഭവത്തില്‍ പരിശോധന നടത്തി ഫോറൻസിക് വിദഗ്‌ധരും ഡോഗ് സ്ക്വാഡും
തിങ്കളാഴ്‌ച അർധരാത്രിയോടെയായിരുന്നു കൊലപാതകം. ബഹളംകേട്ട് വീട്ടിലെത്തിയ അയൽവാസിയാണ് വെട്ടേറ്റ് ചോരവാർന്ന നിലയിൽ സുനിലിനെ കണ്ടത്. ഭാര്യയുമായി പിരിഞ്ഞ് ഒറ്റയ്ക്ക് താമസിക്കുകയായിരുന്നു സുനില്‍.