സ്ത്രീകൾ സ്വയംപര്യാപ്തരായി മുഖ്യധാരയിലെത്തണം : ആർ.രാമചന്ദ്രൻ എം.എൽ.എ

തൊഴിൽ പരിശീലനങ്ങളിലൂടെ സ്ഥിര വരുമാനം ലഭിക്കുന്നവരായി മാറാന്‍ സ്ത്രീകള്‍ ശ്രമിക്കണമെന്ന് ആർ. രാമചന്ദ്രൻ എം.എൽ.എ

കൊല്ലം: സ്ത്രീകള്‍ സ്വയം പര്യാപ്തരായി സമൂഹത്തിന്‍റെ മുഖ്യധാരയിൽ എത്തണമെന്നും തൊഴിൽ പരിശീലനങ്ങളിലൂടെ സ്ഥിര വരുമാനം ലഭിക്കുന്നവരായി മാറണമെന്നും ആർ. രാമചന്ദ്രൻ എം എൽ എ . നാഷണൽ സ്കിൽ ഡെവലപ്മെന്‍റ് ബോഡും കേരള യൂത്ത് പ്രമോഷൻ കൗൺസിലും സംയുക്തമായി ലാലാജി ഗ്രന്ഥശാലാ ഹാളിൽ നടത്തുന്ന ക്രിസ്മസ് കേക്ക് നിർമാണ പരിശീലനം ഉദ്‌ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരള യൂത്ത് പ്രമോഷൻ കൗൺസിൽ ചെയർമാൻ സുമൻജിത്ത് മിഷ അദ്ധ്യക്ഷതവഹിച്ചു . നാഷണൽ സ്കിൽ ഡെവലപ്മെന്‍റ് ബോഡ് ഡയറക്ടർ എ.ആർ.ഷെഫീഖ് മുഖ്യപ്രഭാഷണം നടത്തി.ജി. സുന്ദരേശൻ, എസ്. ജയകുമാർ, ജി. മഞ്ജുക്കുട്ടൻ, സുമയ്യ, എന്നിവർ സംസാരിച്ചു.