കൊല്ലം: കൊല്ലം നിലമേലിൽ മരിച്ച വിസ്‌മയയുടേത് തൂങ്ങിമരണമെന്നാണ് പ്രാഥമിക പോസ്റ്റ്‌മോർട്ടം നിഗമനമെന്ന് കൊല്ലം റൂറൽ എസ്.പി കെ.ബി രവി പറഞ്ഞു. വിസ്മയയുടെ വീട്ടിലെത്തി മാതാപിതാക്കളിൽ നിന്നും സഹോദരനിൽ നിന്നും മൊഴിയെടുത്ത ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
മരണത്തെക്കുറിച്ചുള്ള കൂടുതൽ വിവരങ്ങൾ പോസ്റ്റ്‌മോർട്ടം റിപ്പോർട്ട് കൂടുതൽ പഠിച്ച ശേഷമേ അറിയാൻ സാധിക്കുകയുള്ളു. കൂടുതൽ വിവരങ്ങൾക്കായി പോസ്റ്റ്‌മോർട്ടം ചെയ്ത ഡോക്ടറിൽ നിന്നും മൊഴി രേഖപ്പെടുത്തുമെന്നും എസ്.പി കൂട്ടിച്ചേർത്തു.
വിസ്‌മയയുടേത് തൂങ്ങി മരണമെന്ന് പ്രാഥമിക പോസ്റ്റ്‌മോർട്ടം നിഗമനം