കൊല്ലം : അധികാര ധാര്‍ഷ്ട്യങ്ങള്‍ക്കെതിെര ജീവിതം പ്രതിഷേധമാക്കിയ കൊല്ലം കടയ്ക്കൽ സ്വദേശി യഹിയ (70) അന്തരിച്ചു. വാർധക്യസഹജമായ അസുഖങ്ങളെ തുടർന്ന് ഏറെനാളായി ചികിത്സയിലായിരുന്നു. ലുങ്കി മടക്കി കുത്തിയതിന് പൊലീസുകാരൻ മുഖത്തടിച്ചതിനുശേഷം നൈറ്റി ധരിച്ച് പ്രതിഷേധിച്ച യഹിയ, മരണം വരെയും ഈ വസ്ത്രമാണ് ധരിച്ചത്.
ALSO READ:സംസ്ഥാനത്ത് മഴ കനക്കും ; വിവിധ ജില്ലകളിൽ യെല്ലോ അലർട്ട്
മക്കളുടെ സംരക്ഷണം ലഭിക്കാതിരുന്ന അദ്ദേഹം നേരത്തേ കാര്യസ്ഥനായി ജോലി ചെയ്‌തിരുന്ന വീടിന്‍റെ സിറ്റൗട്ടിലാണ് ജീവിച്ചത്. നാട്ടുകാർ എത്തിച്ച് നൽകിയിരുന്ന ഭക്ഷണമായിരുന്നു ഏക ആശ്രയം. ഇ.ടി.വി. ഭാരത് ഇത് വാർത്തയാക്കിയതോടെ മനുഷ്യാവകാശ കമ്മിഷൻ വിഷയത്തിൽ ഇടപെട്ടിരുന്നു.
കേന്ദ്ര സര്‍ക്കാരിന്‍റെ നോട്ട് നിരോധനത്തില്‍ തല പാതി വടിച്ച് പ്രതിഷേധം നടത്തിയതും ശ്രദ്ധേയമായിരുന്നു. കിടപ്പിലാകുന്നതിനുമുന്‍പ് സ്വദേശത്ത് തട്ടുകട നടത്തിയിരുന്ന യഹിയ, സമ്പാദ്യമെല്ലാം നഷ്‌ടമായതില്‍ പ്രതിഷേധിച്ചായിരുന്നു തല പാതിവടിച്ചത്.