സ്വാതന്ത്ര്യ ദിനത്തില്‍ കൊല്ലത്ത് ബോട്ട് ചങ്ങല പ്രതിഷേധം

സാമ്പ്രാണിത്തുരുത്തില്‍ സ്വതന്ത്ര്യ ദിനാഘോഷത്തിനൊപ്പമാണ് പ്രതിഷേധവുമായി ഐലന്‍റ് ബോട്ട് ക്ലബ്ബ് അംഗങ്ങളെത്തിയത്.

കൊല്ലം: അഞ്ചാലും മൂട് അഷ്‌ടമുടിക്കായലിലെ അടച്ചിട്ട സാമ്പ്രാണിത്തുരുത്ത് സഞ്ചാരികള്‍ക്ക് തുറന്ന് കൊടുക്കണമെന്നാവശ്യപ്പെട്ട് സ്വാതന്ത്ര്യ ദിനത്തില്‍ ബോട്ട് ചങ്ങല പ്രതിഷേധവുമായി സാമ്പ്രാണിക്കോടി ഐലന്‍റ് ബോട്ട് ക്ലബ്ബ്. ഇന്ന്(ഓഗസ്റ്റ് 15) രാവിലെ നടന്ന പ്രതിഷേധം ബ്ലോക്ക് പഞ്ചായത്ത് അംഗം അനിൽകുമാർ ഉദ്ഘാടനംചെയ്തു. തുരുത്തില്‍ ബോട്ട് മറിഞ്ഞ് യുവതി മരിച്ചതിനെ തുടര്‍ന്നാണ് ജില്ല ഭരണക്കൂടം ബോട്ട് യാത്ര വിലക്കിയത്.

ഒരു മാസത്തിലേറെയായി ബോട്ട് യാത്രക്ക് നിരോധനം ഏര്‍പ്പെടുത്തിയിട്ട്. തുരുത്തില്‍ ബോട്ട് യാത്ര വിലക്കിയത് വായ്‌പയെടുത്ത് വള്ളം വാങ്ങിയവരെ ആശങ്കയിലാക്കി. വിഷയത്തില്‍ അടിയന്തര നടപടി വേണമെന്ന് ആവശ്യം.