കൊല്ലം:ഒളിമ്പിക്‌സില്‍ പങ്കെടുത്ത് മികച്ച പ്രകടനം കാഴ്ച്ചവെച്ച ഇന്ത്യന്‍ കായികതാരങ്ങള്‍ക്ക് ആദരവുമായി കൊല്ലം സ്വദേശി സുബ്രഹ്മദേവ്. ഏഴ് മെഡലുകള്‍ കഴുത്തിലണിഞ്ഞ പ്രതിഭകളുടെ ഛായാചിത്രം കൊല്ലം ഡീസെന്‍റ്മുക്കിലെ ചുമരില്‍ വരച്ചാണ് ഇദ്ദഹം തന്‍റെ ആദരവ് പ്രകടിപ്പിച്ചത്.
ജാവലിന്‍ ത്രോയില്‍ സ്വര്‍ണം നേടിയ നീരജ് ചോപ്ര, ഭാരോദ്വഹനത്തില്‍ വെള്ളി നേടിയ മീരാബായ് ചാനു, ഗുസ്തിയില് വെള്ളി നേടിയ രവികുമാര്‍ ദഹിയ, ബാഡ്‌മിന്‍റണില്‍ വെങ്കലം നേടിയ പി.വി.സിന്ധു, ഗുസ്തിയില് വെങ്കലം നേടിയ ബജ്‌റംഗ് പുനിയ, ബോക്‌സിങില്‍ വെങ്കലം നേടിയ ലവ്‌ലിന ബോര്‍ഗോഹെയ്ന്‍ എന്നിവര്‍. ഒപ്പം ഇന്ത്യന്‍ പുരുഷ ഹോക്കിയിലൂടെ വെങ്കലം സ്വന്തമാക്കിയ മലയാളി താരം പി.ആര്‍ ശ്രീജേഷ് എന്നിവരുടെ ചിത്രമാണ് ചുമരില്‍.
ഒളിമ്പിക്‌സ് ജേതാക്കള്‍ക്ക് വരയിലൂടെ ആദരവുമായി കൊല്ലം സ്വദേശി