കൊല്ലം: രൂപമാറ്റം വരുത്തിയ ബൈക്കില്‍ ലൈസന്‍സും ഹെല്‍മറ്റും ഇല്ലാതെ യാത്ര ചെയ്ത പെണ്‍കുട്ടിക്ക് 20500 രൂപ പിഴയിട്ട് മോട്ടോര്‍ എന്‍ഫോഴ്‌സ്‌മെന്‍റ് സ്ക്വാഡ്. കൊല്ലം പുന്തലത്താഴത്ത് നിന്നാണ് ബൈക്കും ഓടിച്ച പെണ്‍കുട്ടിയേയും കണ്ടെത്തിയത്. എന്‍ഫോഴ്‌സ്‌മെന്‍റ് ആര്‍ടിഒ മഹേഷിന്‍റെ നിര്‍ദ്ദേശ പ്രകാരമായിരുന്നു നടപടി. 'നമ്മള്‍' സിനിമയിലെ 'രാക്ഷസി' എന്ന ഗാനത്തിന്‍റെ പശ്ചാത്തലത്തില്‍ പെണ്‍കുട്ടി ബൈക്ക് ഓടിക്കുന്നത് സാമൂഹ്യ മാധ്യമങ്ങളില്‍ തരംഗമായിരുന്നു.
" രാക്ഷസിക്ക്" പിടിവീണു: 20500 രൂപ പിഴയിട്ട് മോട്ടോര്‍ വാഹന വകുപ്പ്