മണ്ണിനെ അറിഞ്ഞ് കുരുന്ന് വിദ്യാർഥികൾ;തേവലക്കര കെ.വി.എം സ്കൂളില്‍ ലോക മണ്ണ് ദിനാഘോഷം സംഘടിപ്പിച്ചു

തേവലക്കര കെ.വി.എം സ്കൂളില്‍ ലോക മണ്ണ് ദിനാഘോഷം സംഘടിപ്പിച്ചു.മണ്ണിനെ അറിയുക, മണ്ണിന്‍റെ പ്രാധാന്യം മനസിലാക്കുക,മണ്ണില്‍ കളിക്കുക തുടങ്ങിയ പരിപാടികളാണ് പുതു തലമുറയ്ക്ക് പ്രയോജനപ്രദമാകുന്ന രീതിയിൽ സംഘടിപ്പിച്ചത്.

കൊല്ലം: മണ്ണിനെ അറിയുക, മണ്ണിനെ സംരക്ഷിക്കുക എന്ന ലക്ഷ്യത്തോടെ ലോക മണ്ണ് ദിനാഘോഷം സംഘടിപ്പിച്ചു. തേവലക്കര കെ.വി.എം സ്കൂളിലെ വിദ്യാർഥികളാണ് വ്യത്യസ്ത രീതിയിലുള്ള പരിപാടികൾ സംഘടിപ്പിച്ചത്. മണ്ണിനെ അറിയുക ,മണ്ണിന്‍റെ പ്രാധാന്യം മനസിലാക്കുക, മണ്ണിൽ എന്തെല്ലാം വിളയുന്നു , മണ്ണിൽ കളിക്കുക തുടങ്ങിയ പരിപാടികളാണ്‌ പുതു തലമുറയ്ക്ക് പ്രയോജനപ്രദമാകുന്ന രീതിയിൽ സംഘടിപ്പിച്ചത്.

വിവിധ തരം മണ്ണുകളിൽ ചെയ്യുന്ന കൃഷികൾ, ഓരോ സീസണിൽ വിളയുന്നവ , ചെടികൾ നട്ടുപിടിപ്പിക്കേണ്ടത് എങ്ങനെ തുടങ്ങിയ കാര്യങ്ങൾ കുട്ടികളെ പരിശീലിപ്പിച്ചു. ചേന, ചേമ്പ്,കാച്ചിൽ, ചീനി, തുടങ്ങിയവയുടെ വിളവെടുപ്പും നടത്തി. പ്ലാസ്റ്റിക്കിൽ നിന്നും അജൈവവസ്തുക്കളിൽ നിന്നും മണ്ണിനെ സംരക്ഷിക്കേണ്ടതിന്‍റെ പ്രാധാന്യത്തെ കുറിച്ച് തേവലക്കര കൃഷി ഓഫീസർ രശ്മി സന്ദീപ് ക്ലാസെടുത്തു.