കൊല്ലം:ചാത്തന്നൂർ ഇത്തിക്കര കൊച്ചു പാലത്തിന്‍റെ താഴ്‌ഭാഗത്തു നിന്ന് മനുഷ്യ അസ്ഥികൾ കണ്ടെടുത്തു. പഴയ പ്ലാസ്റ്റിക് ചാക്കിലും ആറ്റിൻ തീരത്തെ കരയിലും ചിതറിയ നിലയിലാണ് അസ്ഥികൾ കണ്ടെടുത്തത്. കഴിഞ്ഞ ദിവസം രാത്രി ഏകദേശം 10 മണിയോടെ മത്സത്തൊഴിലാളികളാണ് ഇത് ആദ്യം കണ്ടത്.
കൊല്ലത്ത് ഇത്തിക്കരയിൽ കൊച്ചു പാലത്തിന്‍റെ താഴെ നിന്നും അസ്ഥികൾ കണ്ടെത്തി
മത്സ്യത്തൊഴിലാളികൾ തുടർന്ന് പൊലീസിൽ വിവരം അറിയിക്കുകയായിരുന്നു. സയന്‍റിഫിക് വിദഗ്‌ധയും ഫോറൻസിക് വിദഗ്‌ധരും സംഭവ സ്ഥലത്തെത്തി പരിശോധന നടത്തി. പ്ലാസ്റ്റിക് ചാക്കിൽ നിന്ന് ചുവപ്പ് പട്ട് തുണി, തകിട്, ചന്ദനത്തിരി കത്തിക്കുന്ന സ്റ്റാൻഡ്, പൂജാദ്രവ്യങ്ങൾ എന്നിവയും അസ്ഥിയൊടൊപ്പം കണ്ടെടുത്തു.