കൊല്ലം: വിവിധ ആവശ്യങ്ങൾക്കായി നഗരത്തിലെത്തുന്ന സ്ത്രീകൾക്ക് സുരക്ഷിതമായി വിശ്രമിക്കാൻ കൊല്ലത്ത് ഒരിടമുണ്ട്. ഷീ ലോഡ്‌ജ്. കൊല്ലം കോർപ്പറേഷന്‍റെ നേതൃത്വത്തിൽ പോളയത്തോട് കഴിഞ്ഞ വർഷം പ്രവർത്തനമാരംഭിച്ച ഷീ ലോഡ്‌ജ് ഇതിനോടകം മുഖ്യമന്ത്രിയുടേതടക്കം പ്രശംസ നേടിക്കഴിഞ്ഞു. മുകളിൽ മൂന്നും താഴെ ഒന്നുമായി ആകെ നാല് മുറികളും 13 കിടക്കകളുമാണുള്ളത്. 300 രൂപയാണ് ഒരു ദിവസത്തെ വാടക. മൂന്ന് ദിവസത്തേക്കാണ് താമസിക്കാൻ സൗകര്യമൊരുക്കിയിരിക്കുന്നത്. കൂടുതൽ സമയം വേണമെങ്കിൽ അതിനും സൗകര്യമൊരുക്കും.
സ്‌ത്രീ സുരക്ഷയിൽ മാതൃകയായി 'ഷീ ലോഡ്‌ജ്'