Ramesh Chennithala: 'ഇടതു സർക്കാർ കേരളത്തെ കടക്കെണിയിൽ മുക്കി കൊല്ലുന്നു': രമേശ് ചെന്നിത്തല

Ramesh Chennithala: സംസ്ഥാനത്തെ സമസ്ത മേഖലയിലെ വികസനവും സ്തംഭിച്ചതായും ജനവിരുദ്ധ നയങ്ങളിലൂടെ ഇടതു സർക്കാർ ജനജീവിതം ദുഃസഖമാക്കുകയാണെന്നും രമേശ് ചെന്നിത്തല.

കൊല്ലം:കേരളത്തെ കടക്കെണിയിലാഴ്ത്തി ഇടതു സർക്കാർ മുക്കി കൊല്ലുകയാണെന്ന് മുൻ പ്രതിപക്ഷ നേതാവ് രമേശ് ചെന്നിത്തല. സംസ്ഥാനത്തെ സമസ്ത മേഖലയിലെ വികസനവും സ്തംഭിച്ചുവെന്നാരോപിച്ച അദ്ദേഹം, ജനവിരുദ്ധ നയങ്ങളിലൂടെ സർക്കാർ ജനജീവിതം ദുഃസഖമാക്കുകയാണെന്നും പറഞ്ഞു.

കൊല്ലത്ത് ബിൽഡിങ് ആൻഡ് റോഡ് വർക്കേഴ്സ് ഫെഡറേഷൻ (INTUC) പെൻഷൻ ഫോറം നടത്തുന്ന പട്ടിണി സമരവും 24 മണിക്കൂർ ഉപവാസവും ഉദ്ഘാടനം ചെയ്യുകയായിരുന്നു അദ്ദേഹം. പാവപ്പെട്ട നിർമ്മാണ തൊഴിലാളികൾക്ക് നൽകിവന്ന പെൻഷൻ മാസങ്ങളായി നൽകാത്ത സർക്കാർ നിലപാടിൽ പ്രതിഷേധിച്ചാണ് സംഘടന കൊല്ലം കലക്ട്രേറ്റിനു മുന്നിൽ പട്ടിണി സമരം ആരംഭിച്ചത്.