കൊല്ലം:മധ്യവയസ്കനെ വെട്ടിപ്പരിക്കേൽപ്പിച്ച കേസിൽ പഞ്ചായത്ത് അംഗത്തെ പുനലൂർ പൊലീസ് അറസ്റ്റ് ചെയ്തു. കൊല്ലം കരവാളൂർ ഗ്രാമപഞ്ചായത്തിലെ വെഞ്ചേമ്പ് വാർഡ് മെമ്പറായ വെഞ്ചേമ്പ് നിരപ്പിൽ വീട്ടിൽ പ്രദീപ് (44) ആണ് പുനലൂർ ആണ് അറസ്റ്റിലായത്. ഇയാള്‍ നിരവധി ക്രിമിനൽ കേസുകളിൽ പ്രതിയാണ്.
വെഞ്ചേമ്പ് വേലൻകോണം അക്ഷയ ഭവനിൽ സുനിൽ കുമാറിനെ ഡിസംബർ 27ാം തിയതി വൈകിട്ട് വേലൻകോണം ജംഗ്ഷനിൽ വച്ച് മറ്റു രണ്ടുപേരോടൊപ്പം എത്തി വെട്ടി പരിക്കേൽപ്പിക്കുകയായിരുന്നു. ആക്രമണത്തിൽ സുനിലിന്‍റെ തലയ്ക്ക് പരിക്കേൽക്കുകയും കൈക്ക് പൊട്ടൽ സംഭവിക്കുകയും ചെയ്തു.