കൊല്ലം:പുനലൂര്‍ എംഎല്‍എ പി എസ് സുപാലിനെ സിപിഐ കൊല്ലം ജില്ല സെക്രട്ടറിയായി തെരഞ്ഞെടുത്തു. മത്സരം ഒഴിവാക്കാനുള്ള സംസ്ഥാന നേതൃത്വത്തിന്‍റെ നിര്‍ദേശം ജില്ല സമ്മേളന പ്രതിനിധികള്‍ ഐകകണ്ഠേന അംഗീകരിച്ചു. സംസ്ഥാന സെക്രട്ടറി കാനം രാജേന്ദ്രനാണ് സുപാലിനെ ജില്ലാ സെക്രട്ടറിയാക്കാമെന്ന നിര്‍ദേശം മുന്നോട്ടുവച്ചത്. സിപിഐയില്‍ ഔദ്യോഗിക പക്ഷത്തിനെ എതിര്‍ക്കുന്നവര്‍ സജീവമായ ജില്ലയാണ് കൊല്ലം.
സംസ്ഥാന അസിസ്റ്റന്‍റ് സെക്രട്ടറി പ്രകാശ് ബാബുവും ഇതിനോട് യോജിക്കുകയായിരുന്നു. ജില്ലയിലെ ശക്തനായ നേതാവാണ് സുപാൽ. ഔദ്യോഗിക പക്ഷത്തിന്‍റെ എതിര്‍ ചേരിയില്‍ പ്രധാനിയായിരുന്നു സുപാല്‍. അച്ചടക്ക ലംഘനത്തിന് മൂന്ന് മാസത്തേക്ക് നടപടി നേരിട്ട സുപാൽ ജില്ലയുടെ കിഴക്കൻ മേഖലയിലെ ശക്തനായ നേതാവ് കൂടിയാണ്.