കൊല്ലം: കടയ്ക്കലില്‍ വെള്ളവും പഴവും വാങ്ങാൻ കടയിൽ പോകാനിറങ്ങിയ ഭിന്നശേഷിക്കാരനായ വൃദ്ധനെ പൊലീസ് മർദിച്ചതായി പരാതി. കടയ്ക്കൽ മണലുവട്ടത്ത് വാടക മുറിയിൽ ഒറ്റയ്ക്ക് താമസിക്കുന്ന ശിവദാസൻ പിള്ളയ്ക്കാണ് മർദനമേറ്റത്. കഴിഞ്ഞ ദിവസം രാവിലെയാണ് സംഭവം.
ഭിന്നശേഷിക്കാരനായ വൃദ്ധനെ പൊലീസ് മർദിച്ചതായി പരാതി
ബൈക്ക് അപകടത്തെ തുടര്‍ന്ന് വലതുകൈ പൂർണമായും തളർന്ന ശിവദാസൻ പിള്ള ആശുപത്രിയിൽ ഡോക്‌ടറെ കണ്ട ശേഷം മുറിയിലെത്തി. തുടര്‍ന്ന് കുപ്പി വെള്ളവും പഴവും വാങ്ങാന്‍ പുറത്തേക്കിറങ്ങവെ പൊലീസ് എത്തുകയായിരുന്നു. മരുന്ന് കഴിക്കാൻ വെള്ളം വാങ്ങാൻ പോകുകയാണെന്ന് പറഞ്ഞിട്ടും കടയ്ക്കല്‍ സിഐ അസഭ്യം പറയുകയും ചൂരൽ കൊണ്ട് മർദിച്ചുവെന്നും ഇദ്ദേഹം പറയുന്നു.