കൊല്ലം: സ്ഥാനാര്‍ഥികള്‍ മരിച്ചതിനെ തുടര്‍ന്ന് ഉപതെരഞ്ഞെടുപ്പു നടന്ന പന്മന പഞ്ചായത്തിലെ രണ്ടു വാര്‍ഡുകളിലും യുഡിഎഫിന് വിജയം. എല്‍ഡിഎഫിന്‍റെ സിറ്റിങ് സീറ്റുകളാണ് യുഡിഎഫ് പിടിച്ചെടുത്തത്. അഞ്ചാം വാര്‍ഡായ പറമ്പിമുക്കില്‍ മുസ്ലീം ലീഗ് സ്ഥാനാര്‍ഥിയായ എ.എം. നൗഫലും 13-ാം വാര്‍ഡായ ചോലയില്‍ കോണ്‍ഗ്രസ് സ്ഥാനാര്‍ഥി അനില്‍കുമാറുമാണ് വിജയിച്ചത്.
പന്മന ഉപതെരഞ്ഞെടുപ്പ്; എല്‍ഡിഎഫ് സിറ്റിംഗ് സീറ്റുകള്‍ പിടിച്ചെടുത്ത് യുഡിഎഫ്
ഉപതെരഞ്ഞെടുപ്പ് നടന്ന പന്മന പഞ്ചായത്തിലെ രണ്ട് വാർഡുകളിലും യു.ഡി.എഫിന് വിജയം. എൽ.ഡി.എഫിന്‍റെ സിറ്റിംഗ് സീറ്റുകളാണ് യു.ഡി.എഫ് പിടിച്ചെടുത്തത്. 5, 13 വാർഡുകളിലാണ് ഉപതെരഞ്ഞെടുപ്പ് നടന്നത്
പന്മന ഉപതെരഞ്ഞെടുപ്പ്; എല്‍ഡിഎഫ് സിറ്റിംഗ് സീറ്റുകള്‍ പിടിച്ചെടുത്ത് യുഡിഎഫ്
ഇരുവാര്‍ഡുകളിലും എല്‍ഡിഎഫ് സ്ഥാനാര്‍ഥികള്‍ രണ്ടാമതെത്തി. അഞ്ചാം വാര്‍ഡില്‍ നൗഫലിന് 1014 വോട്ടും എല്‍ഡിഎഫ് സ്ഥാനാര്‍ഥി ജെ. അനിലിന് 678 വോട്ടും ലഭിച്ചു. മൂന്നാമതെത്തിയ ബിജെപി സ്ഥാനാര്‍ഥി പൊന്മന ശ്രീകുമാറിന് 18 വോട്ടുകളേ ലഭിച്ചുള്ളൂ. 13-ാം വാര്‍ഡില്‍ യുഡിഎഫ് 745 വോട്ടും എല്‍ഡിഎഫ് സ്ഥാനാര്‍ഥി പരമേശ്വരന്‍ 674 വോട്ടും നേടിയപ്പോള്‍ ബിജെപി സ്ഥാനാര്‍ഥി ജെ. പങ്കജാക്ഷന് 362 വോട്ടുകളാണ് ലഭിച്ചത്. നിലവില്‍ പന്മന പഞ്ചായത്തില്‍ യുഡിഎഫിനാണ് ഭരണം ലഭിച്ചിരിക്കുന്നത്.