കൊല്ലം: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച യുവാവ് അറസ്റ്റിൽ. കൊല്ലം അഞ്ചൽ സ്വദേശി ഫഗറുദീനാണ് (20) അറസ്റ്റിലായത്. വിവാഹ വാഗ്‌ദാനം നൽകി കഴിഞ്ഞ 29 ന് ഫഗറുദീൻ 16 കാരിയായ പെൺകുട്ടിയുമായി നാടുവിട്ടിരുന്നു.
തുടർന്ന് പെണ്‍കുട്ടിയെ കാണാനില്ലന്ന് കാണിച്ച് വീട്ടുകാർ പൊലീസിൽ പരാതി നൽകി. അഞ്ചൽ പൊലീസ് നടത്തിയ അന്വേഷണത്തിലാണ് ഫഗറുദീനേയും പെൺകുട്ടിയേയും മലപ്പുറത്ത് നിന്നും പിടികൂടിയത്. ഇയാള്‍ക്കെതിരെ പോക്സോ നിയമപ്രകാരം കേസെടുത്തു.