കൊല്ലം:വീട്ടുമുറ്റത്ത് കളിച്ചുകൊണ്ടിരുന്ന ബാലികയോട് ലൈംഗികാതിക്രമം നടത്തിയ 43 കാരനെ പൊലീസ് അറസ്റ്റ് ചെയ്‌തു. പോക്‌സോ ആക്‌ട് പ്രകാരം കരുനാഗപ്പള്ളി ബാബു എന്ന ബിന്ദുലാലാണ് പിടിയിലായത്. ഈ മാസം 26-ാം തിയതി വൈകിട്ടോടെയാണ് സംഭവം.
കല്ലേലിഭാഗം മുറിയിൽ ബിന്ദു ഭവനത്തിൽ കരുണാകരന്‍റെ മകനാണ് പ്രതി. വീട്ടുമുറ്റത്ത് കളിച്ചുകൊണ്ടിരുന്ന ബാലികയെ ഇയാൾ കടന്നുപിടിയ്‌ക്കുകയായിരുന്നു. തുടര്‍ന്ന്, കുട്ടിയുടെ രക്ഷിതാക്കൾ ചൈൽഡ് വെൽഫെയർ കമ്മിറ്റിയിൽ പരാതി നല്‍കി. ഇതിന്‍റെ അടിസ്ഥാനത്തിൽ കരുനാഗപ്പള്ളി പൊലീസ് കേസ്‌ രജിസ്റ്റർ ചെയ്യുകയായിരുന്നു.