ഇരവിപുരത്ത് എം.നൗഷാദ് നാമനിർദേശ പത്രിക സമർപ്പിച്ചു

കഴിഞ്ഞ അഞ്ച് വർഷം സർക്കാർ നടത്തിയ വികസനവും മണ്ഡലത്തിലെ പ്രവർത്തനങ്ങളും തെരഞ്ഞെടുപ്പിൽ പ്രതിഫലിക്കുമെന്ന് നൗഷാദ് പറഞ്ഞു

കൊല്ലം: ഇരവിപുരം നിയോജക മണ്ഡലത്തിൽ ഇടത് മുന്നണി സ്ഥാനാർഥി എം.നൗഷാദ് നാമനിർദേശ പത്രിക സമർപ്പിച്ചു. കൊല്ലം കലക്ടറേറ്റില്‍ അസിസ്റ്റൻ്റ് ഡെവലപ്‌മെന്‍റ് കമ്മിഷണർ രാജീവ്.വി.ആറിന് മുമ്പാകെയാണ് നൗഷാദ് പത്രിക സമർപ്പിച്ചത്. മൂന്ന് സെറ്റ് പത്രികയാണ് സമർപ്പിച്ചത്.

സി.ഐ.ടി.യു ഭവനിൽ നിന്നും പ്രകടനത്തോടെയാണ് നൗഷാദ് പത്രിക സമർപ്പിക്കാൻ എത്തിയത്. കഴിഞ്ഞ തവണ സ്ഥാനാർഥിയായി മത്സരിച്ചപ്പോൾ ലഭിച്ചതിനെക്കൾ വലിയ പിൻതുണയാണ് ഇപ്പോൾ ലഭിക്കുന്നത്. കഴിഞ്ഞ അഞ്ച് വർഷം സർക്കാർ നടത്തിയ വികസനവും മണ്ഡലത്തിലെ പ്രവർത്തനങ്ങളും തെരഞ്ഞെടുപ്പിൽ പ്രതിഫലിക്കുമെന്നും നൗഷാദ് പറഞ്ഞു.